Send Thoh sha ngi

Home » Ka Sla Banyngkong »News1

 

  • Ba duh umdih 13 snem hiar jurip ki 5 Shnong

    Khubor Dongmusa
    SHILLONG : Ki san shnong kiba hap hapoh ka C & RD Block, Mawthadraishan, distrik West Khasi Hills, kiba kynthup ia ki shnong Domkseh, Nongshillong, Umdam, Mawkhmahrang b ad ka Wahrinong ki la im ha ki jingtyrkhong bad rkhiang ki pdot la palat 13 snem mynta. Kine ki shnong baroh ki don ha trai u lumbah Mawthadraishan, u lum uba kynjang tam ha Ri Khasi. Baroh kine ki shnong kim pat ioh umdih haduh mynta namar ka PHE haduh mynta kam pat lap ia ka tyllong um kaba lah ban pynpoi um sha kine ki nongkyndong kiba la mad bunsien ia ki jingshlei um ha ki por lyiur.
    Ki la iathuh ba ki don haduh 20 tylli ki den um lane ki dam hapoh kane ka Block bad na kine ki dam la pun bad sam umdih sha bun tylli ki den um lane ki dam hapoh kane ka Block bad na kine ki dam la pun bad sam umdih sha bun tylli ki ki shnong. Hynrei, ka long kaba sngewsih eh ia kine ki 5 tylli ki shnong kiba la kylla “panshadi dem lorkhah” da kaba ki la iai ap sah ia ki jing jaw um na ka dew rkhiang la jin 13 snem lynter mynta khlem pat jaw um shi drop ruh. Ki khynnah , ki samla bad ki tymmen na kine ki shnong ki hap ban iaid kjat da ki bun kynta ban ioh shi khiew phiang ka umdih; ki jingeh kiba lah ban jia tang ha ka jylla Mizoram, hynrei pleng ka la jia ruh ha Meghalaya!.
    Ha ki jingiakren bad ki nongthoh kot khubor, u Sordar ka Nongshyllong u Bah J. Lyngdoh u la ong : “Ka daw bah balei ba ngim ioh ia ka umdih ha ki shnong jong ngi ka dei tang ka jing kuhiw khim jinglong ki kontraktor kiba la bishni haduh ba ki la pynpra noh ia kine ki dam kiba don hapoh kine ki san shnong bad ki la tuh lut noh ia ki paip um.
    U la iathuh ba bunsien ki briew na kine ki shnong ki la leit ia kren ia ki enjiniar ka PHE bad iathuh ha u ia ki jingeh jong kine ki shnong. “ U heh enjiniar ka PHE u la kular la bunsien ba un leh ei ei noh ia kane ka jingpynjot noh ia ka dam jong kine ki shnong hynrei la 13 snem mynta ki la iai ap sah bad kut ha ka loi - loi “kumba dem ap ka Panshandi ia la u tnga halor ki khah ha rud wah!”
    Ki paidbah kane ka thain ki peit kliaw sha kane ka sorkar ba kan sngew synei bad iarap kit lem ia ki lanot bad ki jingeh ki nongrep kane ka thain.


     
 
 
 
----------------------------------------------------------------------------------------------------------------------------------------------------------------------------------------------------