Send Thoh sha ngi

Home » Ka Sla Banyngkong »News3

 

  • Ym tip ka Tourism ia ki jing phylla h’u Mawthadraishan

    Khubor Dongmusa
    SHILLONG : Ka Western Youth Welfare Council (WYWC) ha ka jingleit jngoh ia ki jaka jngoh kai pyrthei kiba itynnad palat liam halor u lum Mawthadraishan, ha Markasa, distrik West Khasi Hills dang shen, ka la kynnoh ba ka sorkar jylla bad ka tnad Tourism ki la ieh noh shadien ia ki jaka jngoh kai pyrthei kaba ithiang tam ka distrik West Khasi Hills.
    Ha kane ka jingleit jurip ki la lap ba u lum Mawthadraishan u dei u lum uba phylla tam namar ha kliar u syntai Lum Mawthadraishan ki don haduh 5 tylli ki Pung kiba ka jingheh kum ki Pung Nan Polok, b a la pynlong hi da ka mariang. Hynrei, wat lada kine baroh ki dei ka spah bah ba la kyrkhu kyrpang ia ka mariang bad kiba ngi lah ban iohi tang ha kane ka jaka, sngewsih ban ong ba ka jinglngaid ka Tourism ban shu khawoit tang ha ki um ba jyndong, niar eh band on ki tourist kiba la poi ha kliar u Lum Mawthadraishan uba jngai tang 60 km na Shillong bad kumba 3 km na Nong-shyllong jan Markasa, ha ka surok Nongstoin.
    Ha kaba iakren bad ki nongthoh kot khubor ha Mawthadraishan, u General Secretary ka WYWC u Bah J. Syiemlieh u la ong : “Na ka daw ba la sniew tasam ka surok Kynshi haduh Nongstoin, kiba bun ki jaka jngoh kai pyrthei kiba ithiang ka West Khasi Hills ki la sep ei lut, bad niar eh ban wan peitkai ki tourist.”
    Ka distrik West Khasi Hills ka dei kaba U Blei U la kyrkhu kyrpang ia shibun ki jaka jngoh kai pyrthei, hynrei sniewbok ia ki paidbah kane ka thain namar ba ka sorkar jylla lyngba ka tnad Tourism ka la peit da ka lyngkdong ia kine ki jaka bad kut noh ha ka loi loi, u la ong.
    “Ngi kyntu jur ia ka sorkar jylla ban phaidien kyrpang bad pynroi kyrpang noh ia kine ki jaka jngoh kai, namar kin long ka spah bah ia ka jylla,” ong u Bah Syiemlieh.
    U Bah Syiemlieh u sngewsih ba wat ka surok kaba leit sha ka dewlynnong Nongkhnum ka la sniew tasam bad katno ngut eh yn khmih lynti ban wan ki tourist.
    Kyntang iawai, ka Council ka dawa na ka sorkar ba kan shim khia ban pynbha noh ia ki surok kiba sniew tam ha kane ka distrik.


     
 
 
 
----------------------------------------------------------------------------------------------------------------------------------------------------------------------------------------------------