LONDON : Phi tip kiei eh ba ki sleh ba sa bha briew sah ki khlur aktres na Hollywood? Niuma, kine dei ki katto katne ki buit barieh balei ki aktres ba pawnam ki phuh samla sah ha ka dur, ka met ka phad bad haduh ka snieh doh,, kaba phi ruh ia lade phin ioh mad ia kajuh ka jing phylla. Ka model kaba pawnam eh mynta ka Iman ka la pyndonkam lynter tait da kajuh ka jingsleh. Ka la pyndonkam beit tang da u powder sleh khmat bad sleh met. U powdar sleh khmat uba long uba iadei lut ia baroh ki rong snieh doh. Ka la ai jingmut ruh ban tah ia ki jingsleh kiba pynsyaid ia ka khmat (face) bad kaba leh husiar bha ioh dei hapoh ki khmat. Ha kaba pyniahap ia ki jingsleh bad ka rong snieh doh ka long kaba donkam eh namar ka pynneh sah ia ka rong bad ka jingni ka snih doh.
Ha ka kot The Black Book of Hollywood Beauty Secret ba la thoh da u Kym Douglas bad ka Cindy Parlman, ka Syiem Latifah ka la pynpaw da kaba ong ba ka kwah ban ioh por na ka bynta ban ai shongthait ia ka snieh doh ha ka khmat (face) jong ka bad ym dei ban don jingtah lane kino kino ki jingsleh, lada ioh por lei lei bun kynta ha ka shi sngi. Ka la pynpaw ruh ia ka buit pynbha snieh doh ba ka la ioh na ka kmierad jong ka.
“I Meirad jong nga i ju pynsleh ia nga da u soda ba shet jingbam. Uba ni bha bad u pynbha bun shah ia ka snieh doh ban ia ki jingsleh ba remdor palat liam mynta,” iathuh ka Latifah ha ka kot khubor Daily Telegraph.
Ka aktres Brooke Shields ka la pyndonkam beit da ki brut niad khmat haba tah ia kino kino ki jing sleh khmat, lada dei u powder, ki jingsleh ba long um, khlein bad kiwei. Ka jing pynmyllien ban tah ia ki jing sleh khmat da ka kti ka pyn sniew ia ka snieh doh namar phim lah lait na kaba kyrshut ia ka snieh doh.
Haba tah ia kino kino ki jingsleh lada phi i ba ka ‘phyrnai eh’ ka aktres jong ka phlim Sex and the City ka Sarah Jessica Parker ka la ai jingmut ba dei ban pynstang noh ia ka jingsleh ba dei ia ka shalangmat, ki ngap, ka khmut bad ka tmoh. (ANI)