क’कराझार जौगाखां बिफाना गोदान चेयरमैन दादों

क’कराझार: सिमबोरगाव गोजौ फरायसालिनि बारग फोरोंगिरि किसर बसुमतारिया मंगलबाराव क’कराझार जौगाखां बिफाननि मावख’ एबा KDA नि खनफारेन्स न’ब्लांआव चेयरमैननि बिबानखौ रुजुनलांनो समायखिरा लायो। समायखिरा लानाय हाबाफारिखौ बि.टि.ची नोगोर जौगाखां बिफाननि टाउन आरो कानट्री प्लानिंनि नेहाथारि घरन धर बर’ बिथांआ दैदेनो। बे हाबाफारियाव नोगोर जौगाखां बिफान बि.टि.ची नि इ.एम दनेस्वर गयारि आरो गुबुन गुबुन गेदेमाफोरा बाहागो लादोंमोनो।

बि.टि.ची नि इ.एम दनेस्वर गयारि बिथांआ बुङोदि, क’कराझार, जाय बि.टि.ची हालामनि राजथावनि, बे नोगोरमाया मोनसे थाबैनो जौगाखांगासिनो थानाय मोनसे नोगोर। गोजौ बिलदिं लुनाय, द्रेन लुनाय, केनेल बानायनाय, मोब्लिब गोहोफोरनि खाबु आरो गुबुन गुबुन जौगाखां बिफाननि खामानिफोरखौ Kokrajhar Development Authority (KDA) आ नोजोर होनांगौ लोगोसे नोगोरमाखौ साफ्पा लाखिनायनि सुबुंफोरनि गेजेराव सांग्राथि होनांगौ होन्ना बिथांआ बुंबावो। गोदान चेयरमैनखौ बिथांमोनहा खामानिफोरखौ मावफुंगोन होन्ना मिजिंथिदों।