FIFA बुहुम काप 2018: बेल्जियमा इंगलैंडखौ 1-0 आव फेजेनो

गुवाहाटी,जुन 27: ब्रीहस्पथिबाराव रासियानि Kaliningrad Stadium आव जानाय FIFA बुहुम कापनि हान्जा-G नि गेलेनाय मैच-45 आव बेल्जियमा इंगलैंडखौ 1-0 आव फेजेनो।

बेल्जियमानि Adnan Januzaj आ 51 मिनीटाव इंगलैंडखौ गल सोनानै 1-0 आव सिगाङो। जुन 2017 माइथायनि उनाव इंगलैंडआ गिबि खेबनि थाखाय जेनो।

बेल्जियमा हान्जा-G नि गेलेनायाव सेथि मासिखौ आवग्रिनो हायो आरो इंगलैंडआ नैथि मासिखौ आवग्रिनो हायो। बेल्जियमा जापानजों आरो इंगलैंडआ कोलंबियाजों Round of 16 खौ गेलेगोन।