UPPL आ NEC नि गोदान मावथांखिफोरखौ बरायो

उदालगुरि,जुलाइ 10: भारत सरकारनि 48 बोसोर जालांनाय North Eastern Council (NEC) नि गोदान मावथांखि लानायखौ United Peoples Party Liberal(UPPL) हान्जाया बरायो। NEC आ भारतनि नखर मनट्रिजों लोगोसे 67^TH मावथांखि लानायखौ साननैनि हाबाफारि लानानै सिलंआव सावरायगासिनो दं।

बे सोन्नैनि हाबाफारिया सा-सान्जा भारतनि थाखाय सनानि सम आरो गुन गोनां सम मानोना सा-सान्जा ओनसोलनि उदखारिफोरनि जोंनाफोरखौ फोजोबनो हागोन आरो गुबुन गुबुन हारिसाफोरनि लोगोसे आफादफोरनि दुंहाव बाथ्राफोरखौ लानानै थार बिजिरगोन।

बे मावथांखि लानाया नखर मनट्रि आरो भारत सरकारनि थार लामायाव आगान होनाय। बे मावथांखिया सा-सान्जा भारतखौ गोजोन थासारि लाबोनायाव गोलाव सम थागोन होन्नानै UPPL आ बुङो। आसाम, अरुनाचल प्रदेस आरो गुबुन सा-सान्जा ओनसोलाव थानाय SSB मावथिफोरनि जेंनाफोरखौबो सुस्रांनो UPPL आ खावलायो।