अखा हानाया ककराझाराव गोजोन्नाय लाबोदों

ककराझार: सुक्रबारनि बेलासेनि 3 बाजिनिफ्राय दसे सम अखा हानाया ओनसोलनि सुबुंफोरनि गेजेराव जोबोद गोजोन्नाय लाबोदों जाय बिथांमोनहा 38 निफ्राय 40 दिग्रि चेलसियासनि बिदुंजों फुगिनानै दंमोन। थोजासे अखा गोयैनि जाहोनाव थांनाय सान्नैसो सिगांनिफ्रायनो जिल्लायाव बाला हामाफोरनि थासारिनि बिदुं बायदि गरमजों फुगिनानै दंमोन। फारसेथिं माय गायग्रा दुब्लिफोराव दै जगायनायनि राहा गैयैलाय दुब्लिफोराव गायनाय फुनायावनि सिगां रानलांनोसो हमदों। सुक्रबारनि अखाया लोगोआव बार लाबोफादोंमोन नाथाय थोजासे नङैबादिसो नुनो मोनदों।

ककराझार जिल्लानि गुबुन गुबुन जायगाफोरावबो गोबां अखा हानायनि खौरां मोनदोंमोन।