এপিএছচি 'কেচ ফৰ জ'ব' কেলেংকাৰী: পাল আৰু আনসকলক মুখামুখি প্ৰশ্ন কৰাত সন্মতি

ডিব্ৰুগড় আৰক্ষীয়ে অনুসন্ধান চলাই থকা এপিএছচি 'কেচ ফৰ জ'ব' কেলেংকাৰীয়ে ইতিমধ্যে কৰায়ত্ত ৰাকেশ পাল আৰু আনসকলক মুখামুখি জেৰা কৰিবলৈ অসমৰ বিশেষ ন্যায়াধীশৰ আদালতে সন্মতি দিয়াৰ পিছত এই অনুসন্ধান কাৰ্য্যই অধিক গভীৰতা লাভ কৰিছে। ইয়াৰ পিছদিনাৰ পৰাই কোনো পলম নকৰাকৈ অনুসন্ধানকাৰীসকলে গুৱাহাটী কেন্দ্ৰীয় কাৰাগাৰত থকা কেইজনমান আচামীক মুখামুখিকৈ জেৰা আৰম্ভ কৰে। এইবিষয়ে ডিব্ৰুগড় আৰক্ষীয়ে আদালতৰ পৰা অনুমতি বিচাৰিছিল। তেওঁলোকৰ এই আবেদনৰ শুনানি গ্ৰহন কৰি আদালতে শুকুৰবাৰে মুখামুখি জেৰাৰ বাবে অনুমতি প্ৰদান কৰে।