কামৰূপ (মেট্ৰ) উপায়ুক্তৰ কাৰ্য্যালয় ভূমি দালালৰ ৰম্যভূমিত পৰিণত

কামৰূপ (মেট্ৰ) উপায়ুক্ত কাৰ্য্যালয়ত ভূমি সম্পৰ্কীয় কাম সমাপনৰ কাৰণে ৰাইজে হাবাথুৰি খাবলগীয়া হৈছে। যিটো সময়ত দেশৰ আন আন ৰাজ্য সমূহৰ চৰকাৰী বিভাগবোৰত এটা ক্লিকতে ভূমি সম্পৰ্কীয় কামসমূহ সমাধান হৈ আহিছে সেইসময়ত অসমৰ কামৰূপ মেট্ৰ জিলাৰ উপায়ুক্ত কাৰ্য্যালয়ত এইধৰণৰ বহুতো ফাইল হয়তো বহুদিনৰ পৰা লৰচৰ নাই কৰা নহ'লে শামুকৰ গতিৰে আগবাঢ়িছে। ইয়াৰ কাৰণটো অতি সহজে অনুমেয়। বৰবাবু, লট মণ্ডল আৰু কনাংগো আৰু কামৰূপ মেট্ৰ প্ৰশাসনৰ ৫টা ৰাজহ চক্ৰৰ আন আন বিষয়াসকলৰ বিভিন্ন অবৈধ গোট, দালাল আনকি ভূ-মাফিয়াৰ লগত সম্পৰ্ক আছে। এইধৰণৰ ভূমি দালাল চক্ৰৰ প্ৰভাৱৰ কাৰণেই সাধাৰণ মানুহে বৈধ ভূমিৰ পট্টা পোৱাৰ ক্ষেত্ৰত অসুবিধাৰ সৃষ্টি হৈছে।