आसाम सरकारा हादोरसानि 1030 गामिफोरनि हाखौ सारभे खालामगोन

गुवाहाटी,जुलाइ 19: हादोरसायाव आसाम सरकारा गामिफोरनि हाफोरखौ फारसेनिफ्राय सारभे खालामनो सिगांदों जाय हाफोरा दासिमबो सारभे खालामनाय जायाखै। बे खामानिआ गोनांदि गासै 1030 गामिनि हाफोरा दासिमबो सारभे खालामफेरनाय जायाखै।

बे खामानिफोरनि थाखाय गासै नोगोद 8.25 ख्रर रां थिनानै दोनबाय। ओनसोलनि सुबुंफोरा ओरैनो थानाय हाखौ मोन्नायनि मिजिं दं जाय हायाव गोबाव समनिफ्रायनो थाबोगासिनो दं।

हा सारभे खालामखांनाय लोगो लोगो सरकारा थागिबि सुबुंफोरनो हा फाट्टा होगोन। फारसेथिं हा सारभे खालामनायाव ‘हादोरारि नङै’ सनदेह’ थानाय सुबुंफोरखौबो नोजोर होगोन जाय बे हायाव थागासिनो दं। बेसोर सुबुंआ हा फाट्टा मोन्नो हानाय नङा होन्ना मोनथिहोयो।

बे गेदेर खामानि मावनायनि थांखिखौ बावैसो जालांनाय रभेनिउ बिफाननि मेलआव लानाय जायो। सारभे खालामनायाव नांगौ जानाय माखासे आगजुफोरखौ दानि दैज्लां बोथोरावनो बुथुमनै लाजोबगोन होन्ना खौरांगिरिनि सिगांआव मिथिहोबावो।