बरपेटा रड: बरपेटा रड दख’रानि फरायनो थाफैनाय फरायसाफोरनि सांग्राथिखौ नोजोर बोनानै बरपेटा रड दख’रा, दुलाराय बर’ फरायसा आफादनि बान्जायनायाव फैगौ 24 आगस्त 2018 इं अक्तनि सुक्रबारखालि बरपेटा जिल्लानि साहित्य भवनाव सानसेनि हाबाफारि लानानै मेहेरगोनांङै खुंनो थाखाय साखाफारा जाबाय।
बे हाबाफारियाव गाहाय आलासि महरै दुलाराय बर’ फरायसा आफादनि आफादगिरि प्रमद बर’ बिथांआ नुजाथिगोन आरो थांखिजानाय बुंथिगिरि हिसाबै बिजनी फरायसालिमानि बिबुंगिरि ड: गोगोम ब्रम्ह कछारि बिथांआ नुजाथिगोन होन्ना खौरां मोन्नाय जायो।
मखनो गोनांदि, बरपेटा रड दख’रा, दुलाराय बर’ फरायसा आफादआ बोसोरफ्रोमबो गुबुन गुबुन जिल्लानि फरायनो थाफैनाय आरो ओनसोलनिनो फरायसा फरायसुलिफोरखौ लानानै सांग्रांथि मेलखौ लाबोगासिनो दं। देग्लायबो गासै मोन 5 फरायसालि फरायसालिमा फारियै, बरपेटा रड' हाउलि फरायसालिमा, गनेश लाल छौदुरि फरायसालिमा, आसाम ब्रिलियान एकाडेमि, चानाक्य एकाडेमि आरो ड्रनाचार्य एकाडेमिफोरनि फरायसा फरायसुलिफोरा बाहागो लागोन होन्ना आफादनि गाहाय नेहाथारि बिपुल बरगयारिआ बुङो।
आफादनि गाहाय नेहाथारि बिपुल बरगयारि आरो आफादगिरि मनज केरकाटारिआ बरपेटा ओनसोलाव थानाय साफ्रोमबो फरायसा फरायसुलिफोरजों लोगोसे बारग’ फरायसाफोरखौबो नुजाथिनो खावलायहरदों।