তামিলনাডুৰ প্ৰাক্তন মুখ্যমন্ত্ৰী তথা ডি এম কেৰ প্ৰতিস্থাপক এম কৰুণানিধিৰ চেন্নাইৰ কাৱেৰি হাস্পতালত দেহাৱসান ঘটে।যকৃৎৰ জটিল সমস্যাত ভুগি থকা বৰ্ষীয়ান নেতাগৰাকী বহুকেইদিন ধৰি চিকিৎসালয় খনত চিকিৎসাধীন হৈ আছিল।মঙলবাৰে ৬ বাজি ১০ মিনিটত কৰুণানিধিৰ চিকিৎসাৰ দায়িত্বত থকা চিকিৎসকে বৰ্ষীয়ান নেতা জনক মৃত বুলি ঘোষণা কৰে।মৃত্যুৰ সময়ত তেওঁৰ বয়স আছিল ৯৪ বছৰ।
১৯২৪ চনৰ ৩ জুনত তামিলনাডুৰ নাগাপট্টিনম জিলাত জন্ম গ্ৰহণ কৰিছিল কৰুণানিধিয়ে। এম কৰুণানিধি পাচঁবাৰকৈ তামিলনাডুৰ মুখ্যমন্ত্ৰীৰ আসন শুৱনি কৰিছিল। ১৯৬৯ চনত ডি এম কেৰ প্ৰতিস্থাপকজন পোন প্ৰথমবাৰৰ বাবে মুখ্যমন্ত্ৰীৰ সিংহাসনত অধিস্থিত হয় । ৰাজনীতিৰ পথাৰত খোজ পেলোৱাৰ পূৰ্বে তেওঁ তামিল ছবি জগতত চিত্ৰনাট্যকাৰ হিচাপে কাম কৰিছিল।কৰুণানিধিৰ মৃত্যুত সমগ্ৰ দেশে শোক প্ৰকাশ কৰিছে।